U sàbatu matina
‘u cc’è cos’a ru mùnnu
cchjù bèddra
i pijari a mota
ppi gghjiri a truvàr’a
Madunnèddra.

Si po’ cc’è pur’u sulu
‘u mìna bbentu
ddrà subba l’irtu
ammenz’u maru
varch’e pišcatùri
comu ‘nu ‘ncantu.

A bbot’i šcogghji
su cuvèrut’i jàncu
tantu d’i palumm’i maru
a ra sagghjùta
‘nu quàtru i Schifanu
u panorama paru-paru.

Iddra u sa’
ca quannu nesciu
ccu’ ra mota
vaju a ra truvàri
mi lass’u purtùnu šcancaràtu
ogni vota.

Sà puru
ca ‘u bbaju
ppì circàri
ancuna cosa
ma è sul’a šcasùna
ppì ccì purtàri ‘na rosa.

U silènziu fùnnu
‘mbit’a ra prighèra
e mi ‘nn’addùgnu
d’u surrìsu Suju
vulìssa ca ristàssa
fin’a ra sìra.

‘U nn’è štrànu
prigàri senza
circàri nenti
Iddra
si t’abbisògna ajutu
u fa špuntanamènti.

Ppì ru mènu
ccu’ mmija accussì
s’à cumpurtàta
‘u mm’à
botat’i špàddri
l’à sarvàta.

Puru c’‘u bbà
tuttu bonu
a ringràziu tantu
‘u nn’è ppì
bona crijànza
u fazzu ccu’ sentimèntu.

Quann’è l’ura
ccì dùgnu l’ùrtima occhjatèddra
devòta
‘ncì dicu grazie
chjànu-chjànu
ni vidimu ‘natavòta.

Subb’u làbbru Suju ‘nu parrettiju:
Sugnu a Mamma e t’accumpàgnu figghju miju.