A šgubbatèddra

Cchjù ddrà d’a nonnò
abbàsciu a šcalunàta
‘nt’u vichicèddru
a zzà Rafèla ava abbitàtu.

Vistuta i nìguru, aggobbàta
vasciòtta e minutèddra
i paranòmu facìva
šgubbatèddra.

U fràtu Tumàsu
povarèddru
a càpa šcotulijàva
pur’u cirvèddru.

Ava d_armàtu
dint’a casicèddra
‘nu pochicèddru i tuttu
‘na špec’i putighèddra.

Vinnìva špagnolètti
guadèrni e animèddri
ppì ri cannarùti
giùggiuli e caramèddri.

Ohji comu m’arricordu bonu
‘nt’i buccàcc’i liguirìzzi
subba ‘na tràva
duji cord’i sazìzzi.

Tànnu s’avìvi
cincu liri
ccu’ ri candrògghji
a sacca avi linchjri.

Si t’accattàvi
‘nu jocarèddru
iddra ‘u nnì facìva
cicirammòddru.

Quann’è ca
si nn’à gghjùtu
v’è diri a verità
m’à dispiaciùtu.

Puru ca iddra
èr’a šgubbatèddra
à bulàtu àvutu
comu ‘na rinninèddra.