Sannunìsu

Si dicia ca stu Santu
è ppì Cutròni
u primu Pìscupu
e Patrònu.

Discìpulu i San Pàgulu
ccu’ d’iddru ccà è vinùtu
i d’u Signuru
a portàri u bembinùtu.

Quannu fàzzu l’anni
vèna festeggiàtu
binidìtt’a simènta
ppì ‘nu riccu ricugghjùtu.

A Madonna subb’u tronu
Iddru a misu
ppì nnì protiggìri
l’anim’e ru paìjsi.

M’ànn’addumannàtu:
pirchì ‘u nn’è tantu amatu?
Sicunn’a mmija
‘u nn’è tantu bonu canusciùtu.

‘U nn’è c’a capa dint’i mani
à ‘mpressionàtu
e ppì chist’a grazza
nuddru ccì la circàtu?

A cumpidènza ca
ccì dunamu è friddicèddra
vulìmu tutti beni
cchjù a ra Madunnèddra.

Ppì casu à fattu ancuna cos’i malu
e ‘u nnù sapìmu?
Ti l’è già dittu
tantu bonu ‘u nnù canuscìmu.

Si Sannunìsu comu S.Gennàru
u sangu ‘nt’a ‘na ‘mpùddra ava šquagghjàtu
lagrimi e prighèri ppì ri grazzi
a chist’ura àvunu abbunnàtu.

Sannunì!
U pirchì, penzica l’à capisciùtu
i cutrunisi a ‘nnù miràculu_du_tuju
‘u nn’ànnu maji assistùtu.